اكتشف كيف وفرت مئات اليوروهات سنوياً بفضل التدفئة الذكية

مع الأسعار المرتفعة والتضخم الحالي، من الضروري نعرف كيف نوفر أموال قدر الإمكان. أحد أهم الأشياء يلي فينا نوفر فيها هو استهلاك التدفئة، وخصوصاً في الأوقات الباردة وفصل الشتاء.

بهالمقال، رح شارك تجربتي مع جهاز خارق، قدر يوفر لي 800 يورو سنوياً بدون ما أضطر أطفي التدفئة، بالعكس، أنا فقط استخدمت هالجهاز وضبطت الأوقات يلي أنا بستخدم التدفئة فيها أكثر، و الباقي الجهاز بيقوم فيه بشكل تلقائي.

متحمس تعرف أكثر؟ خلينا ندخل بصلب الموضوع.

أنا عم بحكي عن جهاز منظم التدفئة الذكي (Smart Thermostat). الجهاز يلي أنا بستخدمه شخصياً من شركة ألمانية تدعى Homematic IP.

منظم التدفئة بوفر لك هالمزايا الرائعة:

• تخفيض الحرارة بشكل أوتوماتيكي عند فتح النوافذ
  واحد من أهم أسباب هدر الطاقة والصرف الزائد هو لما تفتح الشباك أو الباب والتدفئة شغالة. من خلال منظم الطاقة الذكي، فيك تخلي التدفئة تطفي (أو تخفف من الطاقة المستهلكة) بشكل أوتوماتيكي كل ما ينفتح باب أو شباك. وعند إغلاقه، التدفئة بتشتغل من جديد بشكل تلقائي، وبيرتفع استهلاك الطاقة للدرجة المضبوطة مسبقاً. بهذه الطريقة، كل الهدر يلي بيصير مع كل فتحة شباك أو باب بيتوفر، وبيعود التوفير لجيبتك. بالإضافة، هالشي بيوفر راحة بال كبيرة. فحتى لو نسيت الشباك وطلعت من البيت، ما في مشكلة أبداً، الجهاز رح يطفي التدفئة ويضل مطفي لحتى ترجع وتسكر الشباك. أو في حال عندك أولاد وبتضل متوتر من إنهم يتركوا الشباك أو الباب مفتوح، الجهاز رح يطفي تلقائياً بهاي الحالة.
• توفير الطاقة وتكاليف التدفئة بكل سهولة وبدون أي تضحية
  من خلال هذا الجهاز، بتقدر بكل سهولة تضبط أوقات معينة لتشتغل التدفئة أو تطفي حسب رغبتك عبر البرنامج الخاص فيه على الجوال. مثلاً، ممكن تضبط الجهاز ليطفي لما تكون بالشغل أو خارج البيت، ويشتغل قبل ما ترجع بساعة. بهذه الطريقة، بتضمن إنك ترجع للبيت وتلاقيه دافئ بدون ما تضطر تترك التدفئة شغالة طوال فترة غيابك. وكمان، ممكن تترك التدفئة شغالة طوال الليل على درجة حرارة منخفضة، وقبل موعد استيقاظك أو استيقاظ الأولاد بساعة، تضبط الجهاز على حرارة مرتفعة، وبتفيق تلاقي البيت دافئ بالشكل المطلوب، وكل هذا بدون ما تصرف طاقة أكثر من اللازم.
• درجة حرارة مريحة في كل الأوقات
  بتقدر تتحكم بدرجة حرارة الغرفة حسب احتياجك ورغبتك. مثلاً، فيك تضبط الجهاز ليطفي تدفئة غرفة الجلوس خلال الليل، ويرفع حرارة غرفة النوم. وقبل موعد استيقاظك، يرجع يرفع حرارة غرفة الجلوس ويطفي تدفئة غرفة النوم. بالإضافة، فيك تتحكم بمنظم التدفئة عن طريق جوالك من أي مكان. فرضاً كنت خارج منزلك وتركت التدفئة مطفية، وبدك ترجع وتلاقي بيتك دافئ، بكل بساطة، عن طريق تطبيق Homematic IP، فيك تشغل التدفئة على درجة الحرارة المطلوبة.

أنواع التدفئة المتناسبة مع هذه الأجهزة:

• التدفئة التي تعمل بالغاز: أغلب أجهزة التدفئة اللي بتشتغل بالغاز بتكون متوافقة مع منظم Homematic IP، لكن لازم تنتبه لوجود وصلة مناسبة للشوفاج.
• التدفئة التي تعمل بالزيت: تمامًا مثل التدفئة بالغاز، الجهاز بيجي مع وصلة متوافقة لأغلب أنواع أجهزة التدفئة بالزيت.
• التدفئة تحت البلاط: في حال عندك تدفئة تحت الأرض (underfloor heating)، ما رح تحتاج منظم التدفئة الذكي المذكور هون. في منتجات خاصة للتحكم بهذه الطريقة أنواع تدفئة مثل وحدات التحكم المركزي الخاصة بالمنزل.

البرنامج:

برنامج Homematic IP متاح على متجر غوغل ومتجر آبل. للأسف، البرنامج لا يدعم اللغة العربية ولكنه سهل الاستخدام. من خلاله، فيك:

• تضبط حرارة المنظم.
• تنشئ جداول زمنية لتشغيل أو إغلاق التدفئة.
• في حال عندك أكثر من جهاز تدفئة بنفس الغرفة، بتقدر تربطهم سوا ليشتغلوا ويطفوا مع بعض.
• تفعيل أو إيقاف التدفئة حسب موقعك (Geofencing): هالخاصية بتسمح للجهاز يعرف إذا كنت قريب من المنزل أو بعيد عنه، وبيعدل الحرارة بناءً على موقعك الجغرافي. مثلا اذا كنت برا البيت بتطفي التدفئة, وبس ترجع أو تصير قريب من البيت ترجع تشتغل بشكل أوتوماتيكي.
• التحكم الصوتي: إذا كان عندك Alexa أو Google Assistant، فيك تتحكم بالجهاز عن طريق الصوت بدون الحاجة لفتح التطبيق.
• التطبيق كمان بيعرف حرارة الجو بمنطقتك، وإذا كانت الأجواء مشمسة أو دافئة، بيقلل الحرارة تلقائياً لتوفير الطاقة.
• وفيه ميزات أخرى كثيرة.

دليل تركيب مفصل: كيفية تركيب منظم التدفئة الذكي خطوة بخطوة

تركيب منظم التدفئة الذكي سهل، لكن يتطلب بعض الخطوات الأساسية لضمان عمل الجهاز بشكل صحيح. إذا كنت أول مرة تجرب جهاز مثل بهذه الطريقة، رح تحتاج تتبع الخطوات التالية:

1. إزالة المنظم القديم: أول خطوة هي إزالة الصمام الموجود على الشوفاج (جهاز التدفئة) عندك. أغلب الأحيان رح تحتاج مفتاح إنجليزي لتفك الصمام، لكن الموضوع ليس صعب وبياخد وقت قصير.
2. تركيب منظم التدفئة الذكي: بعد إزالة الصمام القديم، ركب الجهاز الذكي. الجهاز بيجي مع وصلة Adapter تناسب معظم أنواع الشوفاجات. تأكد إنك مثبت الجهاز بشكل جيد باستخدام الوصلة المرفقة.
3. توصيل مركز التحكم Hub: مركز التحكم هو القطعة اللي بتشبكها عالراوتر عن طريق كبل Ethernet. لازم تضمن إنو المركز متصل بشكل جيد ليتواصل مع جهاز التدفئة.
4. التطبيق والضبط: بعد تركيب الجهاز، افتح تطبيق Homematic IP من موبايلك، واربط الجهاز بالمركز عن طريق الخطوات الموجودة بالتطبيق. هالخطوة بسيطة والتطبيق بيدلك خطوة بخطوة.
   نصيحة: لتقدر تشبك المنظم بمركز التحكم لازم تكتب الرقم الموجود على المنظم على جوالك. احيانا بكون الرقم مكتوب تحت مكان البطارية, بهذه الطريقة اكتب الرقم على ورقة أو صوره على جوالك قبل ما تركب البطارية.

شو بيلزمك ل تحسن تستخدم نظام التدفئة الذكي:

ل تحسن تستخدم هالميزات كلها بيلزمك:

• مركز تحكم Hub: هي القطعة ضرورية لنحسن نستخدم الجهاز. هي القطعة بتنوصل عالراوتر عندك بالبيت عن طريق كبل ايثرنت Ethernet. اهمية هالقطعة انها مسؤولة عن التواصل من أجهزة المنظم الموجودة عندك. وضروري تشبكها بالراوتر لتقدر تتحكم بالجهاز عن طريق الانترنت من داخل بيتك ومن خارجه. وبيلزمك جهاز فقط لكل بيتك. في حال بيتك ٣ طوابق بيلزمك جهاز تاني بيشتغل عالوايفاي وفيك تخليه بالطابق الثاني. يعني ما في داعي تشبك جهازين بالراوتر عندك

• المنظم الذكي Smart Thermostat: لكل جهاز تدفئة موجود عندك بيلزمك جهاز منظم. جدير بالذكر انو الجهاز بكون موجود معو وصلة Adapter بحيث فيك تركب الجهاز على “تقريباً” جميع انواع اجهزة التدفئة (الشوفاج) التي تعمل بالغاز او الزيت

• حساسات النوافذ والأبواب Window and Door Contact: ل تحسن تستخدم الميزة يلي حكيها عنها فوق (تطفي التدفئة لما ينفتح الشباك او الباب), بيلزمك حساس صغير بيتلزق عالشباك او عالباب. بهذه الطريقة بس ينفتح الباب او الشباك هالحساس الصغير بيبعث إشارة لمركز التحكم يلي بيبعث الاشارة للمنظم ل يشتغل او يطفي. هالشي بتم خلال اجزاء من الثانية.

السعر

• مركز التحكم سعرها تقريبا € 50. بيرتفع السعر وبينزل ب أوقات السنة المختلفة
• المنظم سعره تقريبا € 30. في موديلات كثير للمنظمات اغلى من هالسعر ب كثير, رح نحكي عنها تحت
• حساس الشباك او الباب سعره تقريبا كمان € 30
• نصيحة: لا تشتري الأجهزة بشكل منفصل. أشتري طقم Set بكون فيه مركز تحكم ومنظمين بسعر يتراوح بين ال € 80 وال € 90.

التوفير المتوقع

شخصيا من بعد استخدام هالاجهزة استطعت وفر سنويا ما يقارب ال € 800 ببيت فيه 4 اشخاص واكثر من 3 غرف . طبعا التوفير بيختلف حسب استخدامك, عدد الأجهزة ببيتك, مساحة البيت, ودقة ضبطك لجداول التوقيت. يعني استطعت طلع حق الأجهزة من أول سنة.

موديلات احدث

في موديلات احدث من هالجهاز ومن شركات مختلفة. في منها ما بيحتاج لمركز تحكم بحيث كل جهاز بيقدر يشبك وايفاي, في منها بينشحن, في منها صوتو اوطى وفي ألوان أجمل. انت شوف يلي بناسبك وأشتري. أنا شخصيا بشوف انو القيمة والمزايا يلي بيقدمها الجهاز ب € 30 سعر جيد جيداً ومناسب. أمثلة على أجهزة مشابهة:

1. جهاز Nest: معروف عالمياً، لكنه أغلى سعراً من Homematic IP وما بيقدم نفس درجة التخصيص المتاحة بالأجهزة اللي بيقدمها Homematic. بالإضافة إلى أنه مركز التحكم الخاص بـ Nest ما بيعطي مرونة مثل Homematic IP لما يتعلق بتعدد الغرف.
2. جهاز Tado: جهاز ممتاز وبيقدم ميزات مشابهة مثل Geofencing والجدولة، لكن Homematic IP بيتفوق عليه بوجود مركز تحكم قوي بيضمن اتصال سلس وآمن مع كل أجهزة التدفئة في البيت.
3. جهاز Ecobee: خيار جيد للأشخاص اللي بيحبوا الواجهات الحديثة، لكنه موجه أكتر للسوق الأمريكي وما بيكون سهل الاستخدام بالبيوت اللي عندها أنظمة تدفئة أوروبية. Homematic IP بيجي بتوافق ممتاز مع أنظمة التدفئة الأوروبية التقليدية مثل الشوفاج بالغاز أو الزيت.

روابط للشراء من امازون:

• المنظم الذكي
• مركز التحكم
• مركز التحكم مع وايفاي في حال مساحة بيتك كبيرة
• مركز تحكم بالإضافة لمنظميين ذكيين بسعر ممتاز جدا
• حساس النوافذ والأبواب

في حال عجبك المقال, اشترك بالنشرة الإخبارية ليوصلك كل جديد, ولا تنسى تتابعني عالفيس بوك.